काठमाडौं ।
प्रधानमन्त्री केपी शर्मा ओलीले राष्ट्रिय स्वतन्त्र पार्टीलाई लक्षित गर्दै भवितव्यले खुलेका पार्टीहरु देशमा अराजकता फैलाउन उद्दत रहेको टिप्पणी गरेका छन् ।
शुक्रवार मधेस प्रदेश प्रहरी कार्यालयको प्रशासनिक भवन उद्घाटन कार्यक्रमलाई जनकपुरमा सम्बोधन गर्दै प्रधानमन्त्री ओलीले रास्वपा लक्षित गर्दै भवितव्यले खुलेका पार्टीहरु देशमा अराजकता फैलाउन उद्दत रहेको टिप्पणी गरेका हुन् ।
केही पार्टीहरुले आफूलाई नयाँ भन्दै जनतामा भ्रम फैलाइरहेको उल्लेख गर्दै यसतर्फ नागरिक स्वयं सचेत रहनुपर्ने तर्क गरे । उनले मुलुकको शान्ती व्यवस्था खल्बल्याउन तथा देशलाई प्रतिगमनतिर लैजान समेत प्रतिगामी तत्वहरु सक्रिय रहेको उल्लेख गरे ।
विगतमा भएका राजनीतिक घटनाहरुको स्मरण गर्दै प्रधानमन्त्री ओलीले केही शक्तिहरु त्यस्तै घटनाहरू दोहोर्याउने हेतुले राजतन्त्र फर्काउने अभियानमा लागिरहेको टिप्पणी गरे ।
नेपाली नागरिकलाई सुखि र मुलुकलाई समृद्ध बनाउन ढिला भइसकेकोले नयाँ संकल्पका साथ अगाडि बढ्नुपर्ने आजको आवश्यकता भएको उनको भनाइ छ ।
प्रधानमन्त्री ओलीले कानून र संवादको माध्यमबाट निष्कर्षमा पुगिने कुराहरुमा जोरजोलुम गर्ने परिपाटीको अन्त्य गरिनुपर्ने पनि बताएका छन् ।
प्रकाशित मिति २०८२ साउन ३१ गते शुक्रबार ०७:५९
