गोखरा ।
गोरखामा आफ्नै छोरीलाई जबरजस्ती करणी गर्ने प्रयास गरेको आरोपमा प्रहरीले एकलाई पक्राउ गरेको छ ।
पक्राउ पर्नेमा गोरखाको शहिदलखन गाउँपालिका–३ बस्ने ३४ वर्षीय एक पुरुष रहेको प्रहरीले जनाएको छ । प्रहरीका अनुसार भदौ ४ गते साँझ, आफ्नै १३ वर्षीया छोरी र १५ वर्षीया दाईकी छोरीमाथि करणी गर्ने प्रयास गरेको घटनाबारे पीडित पक्षका आफन्तमार्फत उजुरी दर्ता भएको थियो ।
उक्त उजुरीका आधारमा प्रहरीले आरोपीलाई नियन्त्रणमा लिएर गोरखा जिल्ला अदालतमार्फत सात दिनको म्याद थप गरी आवश्यक अनुसन्धान अघि बढाइरहेको जनाएको छ ।
प्रहरीले बालबालिकामाथि हुने यस्ता संवेदनशील अपराधप्रति शून्य सहनशीलता अपनाइने भन्दै कानूनी प्रक्रियाअनुसार कठोर कारबाही हुने स्पष्ट पारेको छ ।
प्रकाशित मिति २०८२ भदौ ६ गते शुक्रबार ०८:००
