पोखरा ।
नेपाली कांग्रेसको १५ औँ महाधिवेशन समयमा सम्पन्न हुनेपर्ने भन्दै पोखरामा बृहत् भेला सम्पन्न भएको छ । विशेष महाधिवेशनको विपक्षमा उभिएकाहरु गण्डकी प्रदेश समितिका उपसभापति मेखलाल श्रेष्ठको नेतृत्वमा पोखराको एक होटलमा जम्मा भएका थिए ।
नेपाली कांग्रेसमा महाधिवेशनको मितिलाई लिएर आन्तरिक किचलो बढिरहेको बेला उनिहरुले महाधिवेशनको मितिलाई लिएर पार्टीमा विवाद गर्न नहुने विचार राखेका थिए ।
भेलाको संयोजन गरेका श्रेष्ठले क्रियासिल सदस्यताको टुन्गो नलाग्दै महाधिवेशनको मितिको विषयमा विवाद गर्नु उपयुक्त नभएको बताए ।
भेलामा सहभागिले महान्त्रीद्धय गगन थापा र विश्वप्रकाश शर्माको कार्यशैलिको आलोचना गरेका थिए । उनिहरुले सभापति हस्पिटलमा भएको बेला विशेष महाधिवेशनको हस्ताक्षर चलाएको भन्दै कसैले हतार गदैँमा महाधिवेशन नहुने तर्क गरे । नेपाली कांग्रेस बागलुङका सभापति जीत शेरचनले निर्वाचनमा केन्द्रीत हुनुपर्ने बेलामा महाधिवेशनको कुरा गर्नु सान्दर्भीक नभएको बताए ।
कार्यक्रममा महासमिति सदस्य, महाधिवेशन प्रतिनिधि, प्रदेश सभा सदस्य, स्थनीय तहका जनप्रतिनिधि लगायतको सहभागिता रहेको थियो । कांगे्रेस केन्द्रीय समिति बैठक काठमाडौँमा चलिरहदा पक्ष विपक्षमा कार्यकर्ता विभाजन भएका छन् ।
प्रकाशित मिति २०८२ कात्तिक २७ गते बुधबार ०७:५६
