पोखरा ।
फेवा तालको रामसार सूचिमा पर्ने सिमसार क्षेत्रमा कानुन विपरित धमाधम माटो पुर्ने युवाराज खतिवडालाई अनुसन्धान गर्न पाँच दिन म्याद थप भए भएको छ ।
फेवातालको सिरान सिमसार क्षेत्र पुर्न सक्रिय खतिवडालाई सोमबार दिउँसो सिमसार क्षेत्र पुदैँ गर्दा प्रहरीले नियन्त्रणमा लिएको थियो ।
जिल्ला प्रहरी कार्यालय कास्कीका सूचना अधिकारी हरिबहादुर बस्नेतले खतिवडालाई अभद्र व्यवहारको कसुर मुद्दामा ५ दिन म्याद थप भएको जानकारी दिए । धादिङ घर भई हाल पोखरा ५ बस्दै आएका व्यवसायी खतिवडाले आफै उपस्थित भएर ट्रिपका ट्रिप माटो ल्याएर धमाधम सिमसार क्षेत्र पुर्ने काम गरिरहेका थिए ।
पोखरा–२४ पामेमा खतिवडाले सिमसार पुर्न प्रयोग गरेको माटो बोकेको टिप्पर रोकेको थियो । सो क्रममा खतिवडाले प्रहरी माथी जथाभावी बोल्ने र मजदुर प्रयोग गरेर टिप्पर जवरजस्ती छुटाउने प्रयास गरेका थिए ।
उनले पोखरा २४ लौरुक स्थित जंगलको फेदमा धमाधम स्काभेटर लगाएर अनुमती वेगर उत्खनन कार्य भइरहेको थियो । खतिवडाले माटो खनेको, ओसारपसार गरेको र पुर्ने गैरकानुनी कार्य गदैँ आएका छन् ।
व्यवसायी खतिवडा यस अघिपनि पटकपटक फेवा तालको सिमसार पुर्ने कार्यमा संलग्न हुदै आएका थिए । पोखरा महानगरपालिका र स्थानीय प्रशासनले जति रोक्ने प्रयास गरे पनि उनले लुकिछिपी तथा बलमिच्याइ गरेर सिमसार
पुदैँ संरचना निर्माण गदै आएका थिए । विगतमा पनि खतिवडालाई प्रहरीले नियन्त्रणमा लिएको थियो । सर्वोच्च अदालतले २०७५ सालमा तालको संरक्षण गर्न परमादेश जारी गरेको थियो ।
तर, फैसलाको कार्यान्वयनमा ढिलाइ हुदाँ भू–माफियाहरुले फेवातालको सिमसार पुदैँ प्लटिङ गर्ने काम भने रोकिएको छैन । सिमसार पुरिदा जलचरको वासस्थान नष्ट हुनुको साथै तालको पारिस्थितिक प्राणलीमै गम्भिर असर परेको छ ।
प्रकाशित मिति २०८२ पुस ८ गते मंगलबार ०७:०१
