कक्षा १२ को परीक्षा तालिका सार्वजनिक

पोखरा ।

राष्ट्रिय परीक्षा बोर्डले कक्षा १२ को वार्षिक परीक्षाको परीक्षा तालिका सार्वजनिक गरेको छ ।

बोर्डले सार्वजनिक गरेको तालिकाअनुसार कक्षा १२ को परीक्षा आउँदो बैशाख १४ गतेदेखि शुरु हुने भएको छ ।

पहिलो दिन अनिवार्य अंग्रेजी, संस्कृत रचना लगायत विषयको परीक्षा हुने छ ।

परीक्षा बिहान ८ बजेदेखि ११ बजेसम्म सञ्चालन हुने बोर्डले जनाएको छ । त्यसअघि एसईईको परीक्षा आउँदो चैत्र १९ गतेदेखि सञ्चालन हुनेछ ।