पाेखरा
मनाङलाई सडन डेथमा हराउँदै जावलाखेल युथ क्लब आहारारा पोखरा गोल्डकपको सेमिफाइनलमा पुगेको छ ।
टाइब्रेकरमा मनाङका लागि रणदिप पौडेलले प्रहार गरेको नवौं पेनाल्टी जाउलाखेलका गोलरक्षक युनेश चौधरीले बचाए र टिमलाई सेमिफाइनल पु¥याए ।
यसअघि निर्धारित ९० मिनेटमा दुवै टिमबाट १–१ गोल भएपछि थपिएको अतिरिक्त समयमा कुनै गोल भएन र खेल टाइब्रेकरमा पुगेको थियो ।
खेलमा जावलाखेलले पहिले अग्रता लिएको थियो । खेलको ५५ औं मिनेटमा जावलाखेलका हिसुब थपलियाले गोल गर्दै टिमलाई अग्रता दिलाएका थिए ।
तर, खेलको अन्तिममा आएर मनाङका राजेश परियारले गोल गर्दै खेललाई बराबरीमा ल्याए ।
उनले ८९ औं मिनेटमा गोल गरेपछि खेल अतिरिक्त समयमा धकेलिएको थियो ।
यसअघि ०६८ काे आहाराराकाे फाइनलमा दुवै टिम पहिलाेपल्ट भिडेका थिए । जसमा मनाङमर्स्याङ्दीलेे २-० ले जावलाखेललाई उपाधि जित्नबाट राेकेकाे थियाे ।
आहारारामा जावलाखेलले १२ वर्षपछि हारकाे बदला लिएकाे हाे ।
जावलाखेलले अब माघ १७ गते सेमिफाइनलमा थ्रीस्टारसँग भिड्नेछ ।
थ्रीस्टारले क्वार्टरफाइनलमा पाहुना टोली भुटानको पारो एफसीलाई पराजित गर्दै अन्तिम ४ मा स्थान पक्का गरेको थियो ।
प्रकाशित मिति २०८० माघ १५ गते सोमबार ०६:१८
